HİNDİSTANDA DƏMİR YOL QƏZASI
Hindistanın Bihar ştatında dəhşətli dəmir yol qəzası baş vermişdir. Hökumət faciənin baş verdiyi yerdə xilasetmə işlərinə ordu bölmələrini də cəlb etmişdir. Dəqiqləşdirilmiş məlumata görə, qəza nəticəsində azı 150 nəfər həlak olmuş, 200-dən çox adam yaralanmışdır. Xovra (Qərbi Benqaliya ştatı) - Dehli marşrutu ilə saatda 120 kilometr sürətlə gedən sərnişin ekspresi relsdən çıxaraq körpüdən aşmışdır. Vaqonlarda 450-dək sərnişin vardı. Xilasedicilər sudan hələlik 35 meyit çıxarmışlar.
İTAR-TASS-ın verdiyi xəbərə görə, terror aktının mümkünlüyü də istisna edilmir, çünki körpüdə relslərin təxminən 13-15 metri sökülmüşdür. Bihar ştatında maopərəst yönümlü ekstremist qruplaşmalar fəaliyyət göstərirlər.
Bölmənin digər xəbərləri
