Hindistanda ötən sutka 67 min 151 yoluxma qeydə alınıb
Pekin, 26 avqust, AZƏRTAC
Ötən sutka ərzində Hindistanda COVID-19 infeksiyasına 67 min 151 yoluxma halı qeydə alınıb.
AZƏRTAC Hindistanın Federal Səhiyyə Nazirliyinin açıqlamasına istinadla xəbər verir ki, ölkədə ümumi yoluxma hallarının sayı 3 milyon 234 min 475 nəfərə çatıb. Ötən sutka ərzində COVID-19 səbəbindən 1059 ölüm halı baş verib. Bununla da Hindistanda pandemiya qurbanlarının sayı 59 min 449-a çatıb. Ardıcıl 8 sutkadır ki, Hindistanda gündəlik yoluxma sayı 60 mindən çox olur.
Oksford Universitetinin "AstraZeneca" şirkəti ilə birgə hazırladıqları peyvəndin Hindistanda sınaqlarına başlanılacaq. Könüllülük prinsipi əsasında seçilmiş 6 nəfər peyvəndin 2-ci mərhələ kliniki sınaqlarında iştirak edəcək.
Qeyd edək ki, Hindistan COVID-19 virusuna yoluxanların sayına görə ABŞ və Braziliyanın ardından üçüncü sıradadır. Ən pis vəziyyət Maharştra və Tamil Nadu ştatlarında, paytaxt Dehlidədir.
Şahin Cəfərov
AZƏRTAC-ın xüsusi müxbiri
Pekin
Bölmənin digər xəbərləri
