Hindistanda qaz emalı zavodunda baş verən yanğında 4 nəfər ölüb
Bakı, 3 sentyabr, AZƏRTAC
Hindistanın Mumbay şəhərində qaz emalı zavodunda səhər erkən saatlarda baş verən güclü yanğında 4 nəfər ölüb.
AZƏRTAC Hindistan KİV-lərinə istinadla xəbər verir ki, hadisə yerli vaxtla səhər saat 6:30-da Neft və Qaz Korporasiyasına məxsus sıxılmış təbii qaz istehsal edən zavodun su drenajında baş verib. Dərhal hadisə yerinə yanğınsöndürən briqadalar cəlb olunub, zavoda təbii qazın nəqli dayandırılıb. Təxminən 2 saat ərzində yanğın nəzarət altına alınıb. Ölənlərin üçü də məhz yanğınsöndürənlərdir.
Bildirilir ki, yanğın sıxılmış təbii qazla işləyən avtomobillərin yanacaqla təminatına və ətraf ərazidən keçən təbii qaz kəmərlərinin fəaliyyətinə əngəl yaradıb. Sənaye və kommersiya müəssisələrinə müvəqqəti olaraq digər yanacaq növlərindən istifadə etmək tövsiyə olunub.
Bölmənin digər xəbərləri
