Hindistanda zəncirvarı qəzada azı 6 nəfər ölüb
Pekin, 26 avqust, AZƏRTAC
Hindistanın Uttar Pradeş ştatında 2 avtobusun, yük avtomobilinin və motosikletin toqquşması nəticəsində ən azı 6 nəfər ölüb, onlarla yaralanan var.
AZƏRTAC Hindistan KİV-lərinə istinadla xəbər verir ki, hadisə səhər erkən saatlarda ştatın paytaxtı olan Laknau şəhərinin Kakori qəsəbəsi ərazisində baş verib. Avtobuslardan biri yük avtomobilini ötməyə çalışarkən qarşıdan gələn digər avtobusa, sonra isə yük avtomobilinə çırpılıb. Yoldan keçən motosiklet də aşıb.
Qəsəbə polis bölməsi rəisinin müavini Qasım Abidi bildirib ki, yaralılardan 8 nəfərinin vəziyyəti ağır, 5-nin vəziyyəti isə kritikdir.
Şahin Cəfərov
AZƏRTAC-ın xüsusi müxbiri
Pekin
Bölmənin digər xəbərləri
