“HÖKMDARIN TALEYİ” FİLMİ “QIZIL MİNBƏR” FESTİVALINDA NÜMAYİŞ ETDİRİLƏCƏKDİR
AZƏRTAC xəbər verir ki, görkəmli dramaturq İlyas Əfəndiyevin “Hökmdar və qızı” faciəsi əsasında xalq yazıçısı Elçinin yazdığı ssenari ilə çəkilmiş “Hökmdarın taleyi” filmi bu ilin oktyabrında Kazanda ənənəvi “Qızıl minbər” müsəlman filmləri festivalında nümayiş etdiriləcəkdir.
“A.S.V.A Profi Studia XXI” Prodüser Mərkəzinin baş prodüseri Vaqif Əsədullayev bildirmişdir ki, XIX əsrin əvvəllərində Azərbaycan xalqının azadlıq mübarizəsindən bəhs edən bu filmlə yanaşı, həmin festivalda Mehriban Ələkbərzadənin “Məhkumlar” bədii filmi və Ziya Şıxlinskinin “Dua” sənədli ekran əsəri də təqdim olunacaqdır.
“Hökmdarın taleyi” filminin quruluşçu rejissorları Ramiz Fətəliyev və Dilşad Fatxulin, quruluşçu operatoru Dilşad Fatxulin, bəstəkarı Polad Bülbüloğludur.
Filmdə baş rolu - İbrahim xan obrazını xalq artisti Fəxrəddin Manafov canlandırır.
Bölmənin digər xəbərləri
