Honkonq işləyən əcnəbilərin yaşaması üçün ən bahalı şəhərdir
Bakı, 9 iyun, AZƏRTAC
Honkonq işləyən xarici ölkə vətəndaşlarının yaşaması üçün ən bahalı şəhərlər reytinqinə başçılıq edir.
AZƏRTAC xəbər verir ki, ABŞ-ın “Mercer” konsaltinq şirkəti tərəfindən hazırlanan reytinq cədvəli kompaniyanın saytında dərc olunub.
Siyahıda ikinci yeri Aşqabad, üçüncü yeri Tokio, dördüncü və beşinci yerləri isə müvafiq olaraq Sürix və Sinqapur şəhərləri tutur. İlk onluğa, həmçinin Nyu-York, Şanxay, Bern, Cenevrə və Pekin daxildir.
Bu göstəriciyə görə Afrika qitəsində Seyşel adalarının Viktoriya, Latın Amerikasında isə Kosta-Rikanın San-Hose şəhərləri ilk yerdə qərarlaşıb. 209 şəhərdən ibarət reytinqi Tunis, Vindhuk və Daşkənd tamamlayır.
Qeyd edək ki, reytinq müxtəlif şəhərlərdə yaşayış xərclərinin, o cümlədən evlərin qiymətinin, nəqliyyat, qida, geyim və məişət mallarına çəkilən xərclərin müqayisəli təhlili əsasında tərtib edilib.
Bölmənin digər xəbərləri
