“I BAKI BEYNƏLXALQ KARİKATURA MÜSABİQƏSİ” ALBOMU NƏŞR EDİLMİŞDİR
Azərbaycan Milli Olimpiya Komitəsi və “Olimpiya dünyası” qəzetinin keçirdiyi I Bakı Beynəlxalq Karikatura Müsabiqəsinə dünyanın 26 ölkəsindən 70 rəssamın 300-ə yaxın əsəri göndərilmişdi.
Sənət yarışmasında Yaroslav Jarovski (Polşa) I, Vladimir Kazanevski (Ukrayna) II, Aleksey Talimonov (Böyük Britaniya) III yerləri tutmuşlar. İki nəfəri Azərbaycandan (Hafiz Nəsiroğlu və Yaşar Səmədov) olmaqla 12 nəfər həvəsləndirici mükafata layiq görülmüşdür.
Münsiflər heyətinin qərarı ilə müsabiqəyə təqdim olunmuş əsərlərin 82-si alboma daxil edilmişdir. Albom hər bir müsabiqə iştirakçısına göndəriləcəkdir.
Müsabiqəyə təqdim olunmuş əsərlərin Rəssamlar İttifaqının Vəcihə Səmədova adına sərgi salonunda və Afina Olimpiya Oyunları zamanı təşkil olunacaq Azərbaycan günlərində nümayiş etdirilməsi nəzərdə tutulub.
Bölmənin digər xəbərləri
