IDC: virtual reallıq həllər bazarında ikiqat artım gözlənilir
Bakı, 1 dekabr, AZƏRTAC
“IDC” şirkətinin analitikləri gələn ilin yekununa görə, artırılmış və virtual reallıq (AR və VR) həllər bazarında ikiqat artım proqnozlaşdırırlar.
AZƏRTAC xəbər verir ki, mütəxəssislərin gözləntilərinə görə, 2017-ci ildə AR/VR sahəsində avadanlıq, proqram təminatı və xidmətlərə sərf ediləcək qlobal xərclər 9,1 milyard dollar təşkil edəcək. 2018-ci ildə bu göstərici 17,8 milyard dollara yaxınlaşacaq, yəni təxminən 95 faiz yüksələcək. 2017-2021-ci illərdə bazarın həcmi ildə 98,8 faiz artacaq.
Yaxın 12-18 ayda virtual reallıq texnologiyası həm istehlak, həm də korporativ seqmentlərdə xərcləri artırmaqda davam edəcək. “IDC”nin analitiki Tom Maynelli deyib ki, indi bu texnologiyada böyük potensial görən şirkətlərin ona böyük tələbatı yaranıb.
Analitiklər istehsal, dizayn, səhiyyə, nəqliyyat və pərakəndə ticarət sahələrində artırılmış və virtual reallıq üçün çox perspektivli imkanlar görürlər.
Bölmənin digər xəbərləri
