İDMAN RƏQSLƏRİ ÜZRƏ BAKI ŞƏHƏR ÇEMPİONATI KEÇİRİLMİŞDİR
Bakı, 22 oktyabr (AZƏRTAC). Bakı Olimpiya İdman Kompleksində Bakı Şəhər Gənclər və İdman Baş İdarəsi tərəfindən 18 oktyabr - Müstəqillik Gününə həsr olunmuş idman rəqslərinin ikinövçülüyü üzrə Bakı şəhər çempionatı keçirilmişdir.
Çempionatda "Sirdaş", "Şane", "Azəri inciləri", "Neftçi", "Olimp" və "İmpuls" idman rəqs klublarını təmsil edən 34 idmançı iştirak etmişdir.
Uşaqlar arasında keçirilən yarışda Bahadur Abbasov və Kamilla Əhmədova gözəl rəqsləri ilə rəqiblərindən fərqlənərək çempionatın 1-ci si adına layiq görülmüşlər. Yeniyetmələr arasında Arif Məmmədov və Mira Nağıyeva, digər qrupda isə Namiq İsmayılov və Valeriya Kotelnikova gözəl rəqs nümayiş etdirərək çempionatın qalibi adına layiq görülmüşlər.
Çempionatda ilk yerləri tutmuş idmançılar Bakı Şəhər Gənclər və İdman Baş İdarəsi tərəfindən diplomlar və xatirə hədiyyələri ilə təltif olunmuşlar.
Bölmənin digər xəbərləri
