İdmançılarımız İstanbulda keçirilən atletika üzrə IV Balkan çempionatında iştirak edirlər

10.02.2020 [01:41]
Çap et
A⁺ A^-

Bakı, 10 fevral, AZƏRTAC

Fevralın 9-da Azərbaycanın gənc atletləri İstanbulda keçirilən 20 yaşadək idmançılar arasında IV Balkan çempionatında iştirak edirlər.

Azərbaycan Atletika Federasiyasının baş katibinin müavini Kənan Məhərrəmov AZƏRTAC-a bildirib ki, turnirdə ölkəmizi Əli Abdiyev, Teymur Salahzadə, Çingiz İsrafilov, Kəsgin Abbaszadə, Rüstəm Məmmədov, Yusif Nəzərov, Lamiyə Vəliyeva və Yelena Pextireva təmsil edirlər.

İdmançılarımız turnirdə qaçış (60 m, 400 m), tullanma (üçtəkanla, uzunluğa) və nüvəitələmə yarışlarında mübarizə aparırlar.

Qeyd edək ki, turnirdə atletlərimiz yeniyetmələrdən ibarət milli komandanın baş məşqçisi Nazim İsrafilovun rəhbərliyi altında mübarizə aparırlar.