İƏT beynəlxalq ictimaiyyəti Cəmmu və Kəşmir probleminin ədalətli həlli istiqamətində səyləri artırmağa çağırıb
Qahirə, 7 avqust, AZƏRTAC
İslam Əməkdaşlıq Təşkilatı (İƏT) Hindistanın Cəmmu və Kəşmirin beynəlxalq miqyasda tanınmış ərazisində statusun dəyişdirilməsinə dair iki il əvvəl qəbul etdiyi qərarların ləğv olunması və münaqişənin BMT Təhlükəsizlik Şurasının qətnamələri əsasında nizama salınması ilə bağlı bəyanat yayıb.
AZƏRTAC xəbər verir ki, İƏT Baş Katibliyinin yaydığı bəyanatda Cəmmu və Kəşmir xalqının ədalətli mövqeyi və öz müqəddəratını təyin etməsi ilə əlaqədar İslam Sammiti və İƏT Xarici İşlər Nazirləri Şurasının qərarlarına istinadən Hindistan hökumətinə bu bölgənin demoqrafik strukturunu dəyişməyə son qoyulması və öz xalqının əsas insan hüquqlarına hörmətlə yanaşılması çağırışı edilib.
Bəyanatda, həmçinin deyilir: “İƏT-in Baş Katibliyi beynəlxalq ictimaiyyəti bir daha Cəmmu və Kəşmir probleminin BMT Təhlükəsizlik Şurasının qətnamələrinə uyğun şəkildə nizama salınması istiqamətində səylərini gücləndirməyə çağırır”.
Oqtay Bayramov
AZƏRTAC-ın xüsusi müxbiri
Qahirə
Bölmənin digər xəbərləri
