İFAD LERİKDƏ 14 İLLİK PROQRAM HƏYATA KEÇİRİR
Rayon icra hakimiyyətindən AZƏRTAC-a bildirmişlər ki, proqram hələlik 11 kəndi əhatə edir və onun icrasına 400-dən artıq adam cəlb olunmuşdur. Gələcəkdə 50-dən çox yaşayış məntəqəsini əhatə edəcək proqramdan məqsəd yüksək dağlıq ərazilərdə kənd təsərrüfatını inkişaf etdirmək, yoxsulluğu aradan qaldırmaq, infrastrukturu yaxşılaşdırmaqdır. Qısa müddətdə Çayrud, Şingədulan kənd orta məktəbləri, Vizəzəmin həkim ambulatoriyası, Qosmalyan kənd xəstəxanası əsaslı təmir olunmuşdur. Heyvandarlıq, yemçilik, tərəvəzçilik, bitkiçilik, arıçılığın inkişaf etdirilməsi sahəsində fermerlərə kömək göstərilmişdir. Süni mayalama tədbirlərini həyata keçirmək üçün 2 kənddə baytarlıq məntəqəsi tikillib istifadəyə verilmişdir. Artıq 100-ə yaxın qaramal süni mayalandırılmış və ilk sağlam buzovlar alınmışdır.
Bölmənin digər xəbərləri
