İki rübdür Yaponiyada ÜDM azalmaqda davam edir
Tokio, 18 may, AZƏRTAC
Cari ilin yanvar-mart aylarında Yaponiyada ümumi daxili məhsul (ÜDM) istehsalı əvvəlki rübə görə illik müqayisədə real ifadədə 3,4 faiz azalıb.
AZƏRTAC xəbər verir ki, bu barədə mayın 18-də Yaponiya Nazirlər Kabineti məlumat yayıb. Bildirilir ki, ÜDM-in azalması artıq iki rübdür davam edir.
Həmçinin qeyd edilir ki, Yaponiyada ÜDM-in yarıdan çoxunu əhatə edən fərdi xərclər 0,7 faizdən çox azalıb.
Mütəxəssislərin rəyinə görə, aprel-iyun aylarını əhatə edəcək növbəti rüb ərzində Yaponiya iqtisadiyyatı yeni koronavirus pandemiyası nəticəsində daha çox zərər görəcək.
Vüqar Ağayev
AZƏRTAC-ın xüsusi müxbiri
Tokio
Bölmənin digər xəbərləri
