“İlin atleti” mükafatı beşinci dəfə Useyn Bolta verilmişdir
Bakı, 18 noyabr (AZƏRTAC). Kişilər arasında 100 və 200 metr məsafəyə qaçışda dünya rekordçusu olan Useyn Bolt daha bir uğura imza atmışdır.
AZƏRTAC xəbər verir ki, Beynəlxalq Atletika Federasiyaları Birliyi (IAAF) dünyada “İlin atleti” mükafatını beşinci dəfə yamaykalı idmançıya vermişdir.
Monte Karloda təşkil edilən tədbirdə bu il Moskvada keçirilən dünya çempionatında 100, 200 və 4x100 metrə məsafələrə qaçışda qızıl medal qazanan U.Boltun uğuru diqqətdən kənar qalmamışdır. İyirmi yeddi yaşlı sprinter 2008, 2009, 2011 və 2012-ci illərdə də “İlin atleti” seçilmişdi.
Qadınlar arasında isə mükafata U.Boltun həmyerlisi Şelli-Enn Freyzer-Prays layiq görülmüşdür. Atlet Moskvada təşkil edilən sonuncu dünya çempionatında analoji uğura imza atmışdı.
Bölmənin digər xəbərləri
