İLİSU KƏNDİNDƏKİ CÜMƏ MƏSCİDİ BƏRPA OLUNUR

05.08.2004 [12:05]
Çap et
A⁺ A^-

Qax rayonunun tarix və mədəniyyət abidələri ilə zəngin olan İlisu kəndindəki XVIII əsrə aid Cümə məscidində aparılan bərpa işləri uzun fasilədən sonra kənd bələdiyyəsinin daxili imkanları hesabına yenidən davam etdirilir. “Ölkə əhəmiyyətli daşınmaz tarix və mədəniyyət abidələrinin siyahısı”na daxil olan İlisu Cümə məscidində Mədəniyyət Nazirliyi tərəfindən hələ 1990-cı illərdə başlanan bərpa işləri maliyyə çətinlikləri üzündən 10 ilə yaxındır ki, dayandırılmışdı.

AZƏRTAC-ın müxbiri xəbər verir ki, bərpa işlərinin yenidən davam etdirilməsi üçün kənd bələdiyyəsi bu günlərdə Mədəniyyət Nazirliyinə müraciət göndərmiş və bu təşəbbüs nazirlik tərəfindən razılıqla qarşılanmışdır.

Məsciddə bərpa işləri “Tarix və mədəniyyət abidələrinin qorunması haqqında” Azərbaycan Respublikası Qanununa müvafiq olaraq mütəxəssislərin iştirakı ilə, Mədəniyyət Nazirliyi tərəfindən təsdiq olunmuş xüsusi layihə-smeta sənədləri əsasında aparılacaqdır.

İLİSU KƏNDİNDƏKİ CÜMƏ MƏSCİDİ BƏRPA OLUNUR

MÜƏLLİFLƏ ƏLAQƏ

Bölmənin digər xəbərləri