İMİŞLİDƏ AZƏRBAYCAN KƏND İNVESTİSİYA LAYİHƏSİNİN İKİNCİ MİLLİ İCMA İNVESTİSİYA KONFRANSI KEÇİRİLİR
AZƏRTAC-ın müxbiri xəbər verir ki, dekabrın 10-da İmişli şəhərində Kənd Təsərrüfatı Nazirliyi yanında Kənd Təsərrüfatı Kreditləri üzrə Dövlət Agentliyinin Azərbaycan Kənd İnvestisiya layihəsinin ikinci Milli icma investisiya konfransı öz işinə başlamışdır. İki gün davam edəcək konfrans Azərbaycan Kənd İnvestisiya Layihəsi (AzKİL), Dünya Bankı, Yaponiya və Azərbaycan hökumətləri, eləcə də layihədən faydalanan icmaların maliyyəsi ilə həyata keçirilir.
Respublikanın üç iqtisadi zonasını (Muğan-Salyan, Düzən Şirvan və Naxçıvan) əhatə edən bu layihənin əsas komponentlərinə infrastrukturun inkişafı layihəsini həyata keçirən icmaların bacarıqlarının artırılması və layihənin idarə olunması daxildir.
Konfransın ilk iş günündə Kənd Təsərrüfatı Kreditləri üzrə Dövlət Agentliyinin Baş direktoru Razim Vəliyevin, Dünya Bankının AzKİL üzrə tapşırıq qrupunun rəhbəri Mark Vudvardın çıxışları maraqla qarşılanmışdır.
İmişli Rayon İcra Hakimiyyətinin başçısı Əbülfəz Ağayev AzKİL-in İmişlidə gördüyü işlərə görə Kənd Təsərrüfatı Nazirliyinin, Kənd Təsərrüfatı Kreditləri üzrə Dövlət Agentliyinin və layihənin rəhbərlərinə minnətdarlığını bildirmişdir.
Konfransın məqsədi qabaqcıl təcrübənin öyrənilməsi, yayılması, icmaların fəallığının artırılması, investisiyaların dayanıqlığı ilə bağlı məsələlərin müzakirəsi, əməkdaş və tərəfdaş qurumlar arasında informasiya mübadiləsinin gücləndirilməsidir.
Bölmənin digər xəbərləri
