İNƏKLƏR ATMOSFERİ DAHA ÇOX ÇİRKLƏNDİRİR?

13.12.2006 [20:32]
Çap et
A⁺ A^-

AZƏRTAC xarici KİV-lərə istinadla xəbər verir ki, BMT-nin Ərzaq və Kənd Təsərrüfatı Təşkilatının (FAO) məruzəsində deyildiyi kimi, inəklər ekologiyaya avtomobil və təyyarələrdən daha çox ziyan vurur. Mütəxəssislər təkcə inəklərin deyil, davarın, donuzların və toyuqların da ətraf mühitə təsirini öyrənmişlər. Lakin təkcə inəklər ekologiya üçün təhlükəli sayılmışdır. 400 səhifəlik tədqiqatdan belə məlum olur ki, dünyada parnik qazlarının 18 faizinin birbaşa, yaxud dolayısı ilə səbəbkarı hazırda planetimizdə olan təxminən 1,5 milyard baş inəkdir. Bu, üst-üstə nəqliyyatın bütün növlərinin göstəricilərindən artıqdır.

İnək sürüləri 100-dən çox zərərli qaz, o cümlədən turşu yağışlarının başlıca səbəblərindən sayılan ammonyak ifraz edir. Bundan əlavə, yeni otlaqlar üçün geniş ərazilər tələb olunur ki, bu da meşələrin məhv edilməsi ilə nəticələnir. İnək sürülərinin otladığı örüşlər çox vaxt tədricən səhraya çevrilir.

FAO-nun proqnozuna görə, gələcəkdə vəziyyət daha da ağırlaşa bilər, çünki dünyada ətə tələbat artır və insanlar qarşıdakı 20-30 ildə daha çox mal-qara saxlayacaqlar. Nəticədə bu heyvanların ekologiyaya vurduğu ziyan 2050-ci ilədək 2 dəfə arta bilər.

İNƏKLƏR ATMOSFERİ DAHA ÇOX ÇİRKLƏNDİRİR?

MÜƏLLİFLƏ ƏLAQƏ

Bölmənin digər xəbərləri