İNFORMASİYA-KOMMUNİKASİYA TEXNOLOGİYALARININ İNKİŞAFI NAMİNƏ İNSAN RESURSLARI FONDUNUN İLK İCLASI KEÇİRİLMİŞDİR
AZƏRTAC xəbər verir ki, Rabitə və İnformasiya Texnologiyaları Nazirliyində İnformasiya-Kommunikasiya Texnologiyalarının İnkişafı Naminə İnsan Resursları Fondunun ilk iclası keçirilmişdir. Tədbirdə ölkədə fəaliyyət göstərən informasiya-kommunikasiya texnologiyaları (İKT) üzrə yerli və xarici şirkətlərin nümayəndələri iştirak etmişlər.
Azərbaycanda informasiya texnolgiyalarının inkişafı istiqamətində görülən işlər barədə məlumat verən nazir Əli Abbasov bildirmişdir ki, bu sahədə yüksək səviyyəli mütəxəssislərə ehtiyac artır. Fondun yaradılmasının əsas məqsədi odur ki, ölkəmizdə çalışan və Azərbaycan bazarında fəaliyyətinin genişlənməsini düşünən İKT şirkətləri gələcəkdə yüksək biliklərə malik insan potensialından istifadə edə bilsinlər.
İclasda fondun himayəçilər şurası, icraçı direktoru seçilmiş, qurumun strukturunun formalaşdırılması üçün ekspertlər müəyyənləşdirilmişdir.
Bölmənin digər xəbərləri
