“İNTER” “PARTİZAN”LA İLK OYUNDA HEÇ-HEÇƏ OYNADI
AZƏRTAC xəbər verir ki, iyulun 29-da Tofiq Bəhramov adına Respublika stadionunda Çempionlar Liqası turnirinin ikinci təsnifat mərhələsi çərçivəsində Bakının “İnter” və Serbiyanın “Partizan” komandaları arasıdna ilk oyun 1:1 hesabı ilə başa çatmışdır.
Birinci hissədə meydan sahiblərinin nümayiş etdirdiyi zəif və solğun oyun artıq 3-cü dəqiqədə qonaqların hesabı açmasına imkan verdi. “Partizan”ın heyətində Miloş Vaqunovski fərqləndi.
“İnter” yalnız ikinci hissənin ortalarında üstünlüyü ələ aldı. Aramsız hücumlar, nəhayət, 81-ci dəqiqədə öz bəhrəsini verdi. “İnteri”n futbolçusu Petra Zlatinov hesabı bərabərləşdirdi. Bundan sonra bakılılar daha bir neçə dəfə fərqlənmək imkanı qazansalar da, hesab dəyişmədi.
Bu komandalar arasında növbəti mərhələyə vəsiqənin sahibi bir həftə sonra Serbiyada keçiriləcək cavab görüşündən sonra məlum olacaqdır.
######
Bölmənin digər xəbərləri
