“İpək yolu” nəqliyyat dəhlizinin Azərbaycan ərazisindən keçən hissəsində yük və sərnişin daşınması artmışdır
Bakı, 23 noyabr (AZƏRTAC). Cari ilin yanvar-sentyabr aylarında “İpək yolu” nəqliyyat dəhlizinin Azərbaycan ərazisindən keçən hissəsində 43,9 milyon ton yük, 213,2 milyon nəfər sərnişin daşınmışdır. Bu da əvvəlki ilin eyni dövrü ilə müqayisədə müvafiq olaraq 4,3 faiz və 9,4 faiz çoxdur.
Dövlət Statistika Komitəsindən AZƏRTAC-a bildirmişlər ki, yüklərin 46,5 faizi avtomobil, 36 faizi dəmir yolu, 17,5 faizi dəniz nəqliyyatı ilə daşınmışdır.
Yükdaşımalardan 341,9 milyon manat, sərnişin daşınmasından isə 71,1 milyon manat gəlir əldə olunmuşdur. Bu da müvafiq olaraq 7,3 və 16 faiz çoxdur.
Bölmənin digər xəbərləri
