İQLİMİN İSTİLƏŞMƏSİ FRANSADA XİZƏK SÜRƏNLƏRİ MƏYUS ETMİŞDİR
AZƏRTAC-ın xüsusi müxbiri xəbər verir ki, qış tətillərini dağlarda xizək sürməklə keçirməyə adət etmiş fransızlar, deyəsən, bu il öz sevimli vərdişlərindən məhrum olacaqlar. Avropada, o cümlədən Fransada havaların isti keçməsi və qar yağmaması xizəksürənləri əməlli-başlı məyus etmişdir. Xizək həvəskarlarını qəbul etməyə hazırlaşmış bir çox stansiyaların bağlanmaq təhlükəsi var və onların əksəriyyəti əvvəldən götürdüyü sifarişlərin ləğvinə başlamışdır.
Alp dağlarında havanın temperaturuna nəzarət edən stansiyalar 1300 ildən sonra iqlim dəyişkənliyinin baş verdiyini qeydə almışlar. Alp dağlarının Almaniya hissəsində istiləşmə daha çox özünü göstərməkdədir. Fransa, Avstriya, İsveçrə və İtaliya hissələrində də vəziyyət heç də ürəkaçan deyildir.
Bölmənin digər xəbərləri
