İQTİSADİ İNKİŞAF NAZİRLİYİNİN MƏLUMATI
Məlumat verildiyi kimi, Azərbaycan Respublikasının Prezidenti bu il mayın 14-də Azərbaycanda fəaliyyət göstərən xarici sahibkarlarla görüşəcəkdir. Görüşdə Azərbaycan Respublikasında sahibkarlığın inkişafı, ölkəyə xarici investisiyaların cəlb edilməsi, xarici sahibkarlarla dövlət idarəetmə orqanları arasında münasibətlərin tənzimlənməsi və digər məsələlər müzakirə ediləcəkdir.
Hazırda İqtisadi İnkişaf Nazirliyində görüşə geniş hazırlıq işləri aparılır. Görüşün təşkili üçün nazirlikdə əlaqədar qurumların əməkdaşlarından ibarət Əlaqələndirmə Mərkəzi yaradılmışdır. Əlaqələndirmə Mərkəzinə daxil olan müraciətlər sahibkarın hansı ölkədən olması, sahibkarlıq fəaliyyətinin növü, mövcud problemləri, onların həlli ilə bağlı təkliflərin əks olunduğu xüsusi formalara işlənilir, kompüter vasitəsilə ümumiləşdirilir və qeyd edilən göstəricilər üzrə qruplaşdırılır.
Azərbaycan Respublikasının Prezidenti ilə keçiriləcək görüşdə iştirak etmək arzusunda olan xarici sahibkarlardan İqtisadi İnkişaf Nazirliyinə müraciətlər daxil olmaqda davam edir.
Bölmənin digər xəbərləri
