İQTİSADİ İNKİŞAF NAZİRLİYİNİN MƏLUMATI
Azərbaycan Respublikası Nazirlər Kabinetinin 2001-ci il 30 oktyabr tarixli Sərəncamına uyğun olaraq, respublikada davamlı insan inkişafı strategiyasının hazırlanmasına başlanılmışdır. Bu məqsədlə İqtisadi İnkişaf Nazirliyinin əlaqələndiriciliyi ilə müvafiq nazirlik və komitələrin, Milli Elmlər Akademiyasının nümayəndələrinin daxil olduğu işçi qrupu yaradılmışdır. Strategiyada Azərbaycanda insan inkişafının müasir vəziyyəti, iqtisadi inkişafın sosial-demoqrafik amilləri, iqtisadiyyatın strukturunun hazırkı vəziyyəti və inkişaf meylləri, insan və ətraf mühit problemləri ilə bağlı məsələlər öz əksini tapacaqdır. Sənədin ilkin variantının hazırlanması başa çatdırılmışdır. Hazırda işçi qrupuna daxil olmuş təkliflər, irad və rəylər öyrənilməklə, strategiyanın hazırlanması işi davam etdirilir.
Bölmənin digər xəbərləri
