İRAN-QIRĞIZISTAN ƏMƏKDAŞLIĞI DAHA DA GENİŞLƏNƏCƏK
AZƏRTAC-ın Tehrandan aldığı xəbərdə deyilir ki, Qırğızıstan Prezidenti Əsgər Akayev İrana rəsmi səfərinin yekunlarını konstruktiv və səmərəli hesab edir. Dekabrın 22-də o, Tehrandakı Səədabad sarayında təntənəli yolasalma mərasimindən sonra jurnalistlər qarşısında çıxış edərək bildirmişdir ki, “Qırğızıstan nümayəndə heyətinin bu tarixi səfəri hər iki ölkənin həm birbaşa, həm də İqtisadi Əməkdaşlıq Təşkilatı çərçivəsində münasibətlərinin inkişafında yeni mərhələ açır”.
Səfərin işgüzar hissəsi bazar günü axşam ticarət-iqtisadi və mədəni əməkdaşlığa dair yeddi sənədin imzalanması ilə başa çatmışdır. Əsgər Akayev İran İslam Respublikasının rəhbəri ayətullah Əli Xamenei tərəfindən qəbul edilmiş, Prezident Məhəmməd Xatəmi ilə danışıqlar aparmış, bir sıra başqa görüşlər keçirmişdir.
Bölmənin digər xəbərləri
