İRANIN DANIŞIQLARA HAZIR OLMASI AMERİKANI ŞÜBHƏLƏNDİRİR
Amerika İraqda vəziyyətin nizama salınması məsələsinin müzakirə olunmasını İrana bir neçə ay əvvəl təklif etmişdir. Hedli demişdir: “Maraqlıdır ki, iranlılar bu ideyanı dəstəkləməyə və daha iri problemlərin müzakirə olunacağı danışıqlaradək genişləndirməyə məhz indi və çox aşkar şəkildə üstünlük vermişlər. Ona görə də ehtiyat edirik ki, iranlılar bu kələyin köməyi ilə BMT-də onlara göstərilən təzyiqdən azad olmağa və İranın nüvə problemi ilə əlaqədar işlədiyimiz ölkələrlə Birləşmiş Ştatlar arasına nifaq salmağa çalışırlar. Aydındır ki, biz, habelə bu məsələ ilə bağlı bizimlə işləyənlər, buna yol verə bilmərik”.
Xatırladaq ki, İranın Ali Milli Təhlükəsizlik Şurasının katibi Əli Ləricani martın 16-da bildirmişdir ki, İran qonşu İraqın problemini Birləşmiş Ştatlarla bilavasitə müzakirə etməyə hazırdır.
Bölmənin digər xəbərləri
