İRANLA AZƏRBAYCAN ARASINDA RADİO-TELEVİZİYA SAHƏSİNDƏ ƏMƏKDAŞLIĞA DAİR SƏNƏD İMZALANACAQ
İranın Radio-Televiziya Şirkətinin Bakı bürosundan AZƏRTAC-a bildiriblər ki, şirkət sədrinin birinci müavini Məhəmməd Hönərdust yanvarın 6-da Bakıya gəlib. Səfər Azərbaycan Prezidenti Heydər Əliyev İranda olarkən imzalanmış müqavilələrə əsasən həyata keçirilib.
Yanvarın 7-də qonaq Şəhidlər xiyabanını ziyarət edəcək. Sonra Azərbaycan televiziyasının sədri Nizami Xudiyev, rabitə naziri Nadir Əhmədov, mədəniyyət naziri Polad Bülbüloğlu, Prezidentin İcra Aparatının ictimai-siyasi şöbəsinin müdiri Əli Həsənovla görüşəcəkdir.
Səfər müddətində iki ölkə arasında radio-televiziya sahəsində əməkdaşlığa dair sənəd imzalanacaq və iki ölkə kinematoqrafçılarının birgə işi olacaq “Ustad Seyid Məmmədhüseyn Şəhriyar” çoxseriyalı telefilminin çəkilməsi məsələsi müzakirə ediləcəkdir. Səfər yanvarın 10-da başa çatacaqdır.
Bölmənin digər xəbərləri
