İRAQDA VƏZİYYƏT SABİTLƏŞMƏYİNCƏ, ABŞ BU ÖLKƏNİ TƏRK ETMƏYƏCƏK

24.09.2004 [14:45]
Çap et
A⁺ A^-

AZƏRTAC İTAR-TASS agentliyinə istinadla xəbər verir ki, bunu ABŞ Prezidenti Corc Buş İraqın Baş naziri Əyyad Əllavi ilə danışıqlardan sonra Ağ evdə mətbuat konfransında bəyan etmişdir. ABŞ Prezidenti demişdir: “İndi geriyə çəkilmək vəzifəmizə, dostlarımıza xəyanət etmək deməkdir. Amerika üzərinə götürdüyü öhdəlikləri yerinə yetirəcəkdir”.

C.Buş bir daha bildirmişdir ki, İraq hazırda beynəlxalq terrorizmlə mübarizədə ön cəbhədir. Çoxmilli sabitləşdirmə qüvvələrinin İran körfəzi zonasından vaxtından əvvəl çıxarılması indi orada fəaliyyət göstərən ekstremistlərin və terrorçuların öz dağıdıcı əməliyyatlarını regionun hüdudlarından kənara çıxarmasına səbəb ola bilər.

İraq müvəqqəti hökumətinin başçısı Əllavi isə xarici qoşunların İraqda lazım olana qədər qalmasına tərəfdar olduğunu bildirmişdir. Əllavi hökumətin gələn ilin yanvar ayında ölkədə seçkilər keçirmək niyyətində olduğunu təsdiqləmişdir. Baş nazir demişdir ki, İraq hökuməti bu seçkilərin “azad və ədalətli” keçirilməsinə çalışacaqdır.

İRAQDA VƏZİYYƏT SABİTLƏŞMƏYİNCƏ, ABŞ BU ÖLKƏNİ TƏRK ETMƏYƏCƏK

MÜƏLLİFLƏ ƏLAQƏ

Bölmənin digər xəbərləri