İRAQIN ŞİƏ İCMASININ RƏHBƏRLİYİ XƏBƏRDARLIQ EDİR

23.09.2004 [15:09]
Çap et
A⁺ A^-

İraqın şiə icmasının rəhbərliyi ölkədə şiələrlə sünnilər arasında münaqişə başlanması təhlükəsi olduğu barədə xəbərdarlıq etmişdir. İraq şiələrinin lideri ayətullah Əli əs-Sistani ölkənin bütün vətəndaşlarını gələn ilin yanvarına təyin olunmuş seçkilərin uğurla keçirilməsinə kömək göstərməyə çağırmış və seçkilərin baş tutmaması üçün xarici qüvvələrin sünnilərlə şiələrin arasını vurmağa can atdıqlarını nəzərə çarpdırmışdır. AZƏRTAC xəbər verir ki, bunu əs-Sistaninin yaxın köməkçilərindən biri olan Fatih Al Kaşif əl-Qitə ümumərəb “Əl-Həyat” qəzetində sentyabrın 23-də dərc edilmiş müsahibəsində bildirmişdir.

Şiələrin dini rəhbərliyi adından o, təhlükəsizliyin təmin olunması üçün ölkənin siyasi və dini təşkilatlarının gördüyü tədbirləri də tənqid etmişdir, çünki bu tədbirlər zamanı səhvlərə də yol verilir. Əl-Qitə demişdir: “Onlar ancaq iğtişaşlar baş verən şəhərlərdə hökumət tərəfindən həddindən artıq qüvvədən istifadə olunmasını seyr etməklə kifayətlənirlər”.

“Əl-Həyat” qəzeti elə həmin nömrəsində İraqda müsəlmanlar arasında münaqişə təhlükəsi olduğu barədə sünnilərin nümayəndəsi – Səudiyyə Ərəbistanının baş müftisi Əbdüləziz Al əş-Şeyx adından da xəbərdarlıq dərc etmişdir.

İRAQIN ŞİƏ İCMASININ RƏHBƏRLİYİ XƏBƏRDARLIQ EDİR

MÜƏLLİFLƏ ƏLAQƏ

Bölmənin digər xəbərləri