İSLAM İNKİŞAF BANKININ KREDİTİ HESABINA BƏRPA İŞLƏRİ DAVAM ETDİRİLİR
Azərbaycan Respublikası Ərazilərinin Bərpası və Yenidən Qurulması üzrə Agentlikdən AZƏRTAC-a verilən məlumata görə, proqram çərçivəsində işlərin aparılmasına 9,2 milyon ABŞ dolları ayrılmışdır. Zəlzələdən zərər çəkmiş təhsil, kommunal, su təsərrüfatı obyektlərinin bərpasına dair 6 milyon 820 min dollar məbləğində müqavilələr bağlanmışdır. Hazırda Bakıda 39 məktəb bərpa edilir və işlər sentyabrın axırınadək başa çatdırılacaqdır. Paytaxtımızda, həmçinin 182 ev, 15164 mənzil, 215 kilometr paylayıcı və 3,7 kilometr magistral qaz xətləri bərpa edilərək istifadəyə veriləcəkdir. Proqram çərçivəsində Mingəçevir su anbarının sağ sahilində bəndin bərkidilməsi, Yevlax şəhərinin su təchizatı sisteminin yaxşılaşdırılması, Samur çayı üzərində yeni müasir körpünün tikintisi işləri də aparılır.
Şin çayı üzərindəki körpünün və Bakı şəhərinin Bakıxanov qəsəbəsindəki körpünün bərpası da nəzərdə tutulmuşdur.
Bölmənin digər xəbərləri
