İsmayıl Şıxəliyev şahmat üzrə 9-cu uşaq beynəlxalq turnirinin qalibidir
Bakı, 18 noyabr (AZƏRTAC). Bakıda 9-cu uşaq beynəlxalq şahmat turniri başa çatmışdır.
AZƏRTAC xəbər verir ki, yarışda Azərbaycan, Gürcüstan, İran, Hindistan və Fransadan 47 şahmatçı iştirak etmişdir.
Turnir İsveçrə sistemi üzrə 7 turda keçirilmişdir.
Birinci yeri 7 mümkün xaldan 6,5 xal toplamış İsmayıl Şıxəliyev tutmuşdur. İkinci yerdə 7 mümkün xaldan 6 xal qazanmış Niyazi Nağdıyevdir. 3-7-ci yerləri beş şahmatçı bölüşmüşdür (7 mümkün xaldan hərəsi 5 xal), lakin əmsala görə üçüncü yeri Rüstəm Bünyadov tutmuşdur. Gürcüstanlı Gigi Absaridze xarici şahmatçılar arasında ən yaxşı nəticə göstərmişdir - 15-ci yer.
Turnirin bağlanışında “Gənclik” şahmat klubunun direktoru, Azərbaycanın Əməkdar Məşqçisi Gennadi Gelman turnirin keçirilməsinə kömək göstərmiş bütün şəxslərə minnətdarlığını bildirmiş və elan etmişdir ki, 10-cu yubiley turniri 2014-cü ilin aprelində Bakıda keçiriləcəkdir.
Bölmənin digər xəbərləri
