İSMAYILLI AQROBİZNES ŞİRKƏTİNİN BAZASINDA TOXUMÇULUQ TƏSƏRRÜFATI YARADILMIŞDIR

04.08.2004 [14:44]
Çap et
A⁺ A^-

İsmayıllı rayonunda taxılçılığın inkişafı diqqət mərkəzindədir. Təsərrüfatın bu sahəsi ilə məşğul olan fermerlərin, fərdi torpaq sahiblərinin yüksək repreduksiyalı toxumlara olan tələbatını ödəmək indi gündəlikdə duran ən önəmli məsələlərdəndir. Bu məqsədlə İsmayıllı Aqrobiznes Şirkəti 200 hektar sahədə toxumçuluq təsərrüfatı yaratmışdır.

Şamaxı Ərazi Kənd Təsərrüfatı İdarəsinin rəisi Nadir Qədirov AZƏRTAC-ın müxbirinə bildirmişdir ki, bu yaxınlarda idarənin İsmayıllı Rayon İcra Hakimiyyətinin aqrar şöbəsi ilə birgə keçirdikləri müşavirədə 200 hektarda toxumçuluq təsərrüfatı yaratmaq barədə Azərbaycan Kənd Təsərrüfatı Nazirliyinin razılıq şəhadətnaməsi şirkətin rəhbərliyinə təqdim olunmuşdur.

Müşavirədə rayonda daha 3 toxumçuluq təsərrüfatı yaradılması qərara alınmışdır. Hazırda bununla əlaqədar sənədləşmə işləri aparılır.