İspan mətbuatı ilin sonunda Azərbaycan qazının Avropaya planlaşdırılmış tədarükü barədə yazır
Madrid, 26 noyabr, AZƏRTAC
İspaniyanın EFE xəbər agentliyi, ən nüfuzlu qəzetlərindən biri olan “La Vanguardia” “Azərbaycan ilin sonunda Avropaya TAP vasitəsilə qaz tədarükünə başlayacaq” adlı məqaləsini dərc edib.
AZƏRTAC xəbər verir ki, nəşrlər qeyd edirlər ki, bu barədə Azərbaycanın energetika naziri Pərviz Şahbazovun İtaliyanın ölkədəki səfiri Augusto Massari ilə görüşündə bildirilib.
İspan nəşrləri Azərbaycanın ilin sonunda İspaniyanın ENAGÀS şirkətinin 16 faizinə sahib olduğu Cənub Qaz Dəhlizinin üç hissəsindən biri olan Trans-Adriatik Qaz Boru Kəməri (TAP) vasitəsilə Avropaya qaz nəqlinə başlayacağını bildirib.
Nəşrlər, TAP-ın ildə 10 milyard kubmetr təbii qaz istehsal gücünə sahib olduğunu diqqətə çatdırır, baxmayaraq ki, iki kompressor stansiyası və modifikasiya ilə boru kəmərinin ötürmə qabiliyyəti gücü iki dəfə artıraraq ildə 20 milyard kubmetrə çatdırmağa imkan verir. Layihənin dəyəri 4,5 milyard avro civarında qiymətləndirilir.
Nigar Cəfərli
AZƏRTAC-ın xüsusi müxbiri
Madrid
Bölmənin digər xəbərləri
