İspaniya yığması “Real”ın oyunçuları olmadan hazırlığa başlayacaq
Bakı, 8 may, AZƏRTAC
İspaniya yığması 2018-ci il Dünya Çempionatına hazırlığın yekun mərhələsinə mayın 28-də başlayacaq. Təlim-məşq toplanışı Kiyevdə Çempionlar Liqasının final oyunundan cəmi iki gün sonra təşkil olunacağından “Real”ın oyunçuları iştirak etməyəcək.
AZƏRTAC xəbər verir ki, Xulen Lopetegi ilə İspaniya Kral Futbol Federasiyasının idman direktoru Fernando Yerro arasında keçirilən görüşdə müraciətin mayın 18-i saat 13.00-da səsləndiriləcəyi, 10 gündən sonra isə oyunçuların məşq düşərgəsində yığılacağı bildirilib.
Təlim-məşq toplanışından sonra İspaniya yığması iyunun 7-də Krasnodara, DÇ-2018-in yerləşdiyi bazaya yollanacaq. Dünya çempionatı matçlarınadək ispanlar iyunun 3-də Vilyarrealda İsveçrə yığması ilə yoldaşlıq oyunu keçirəcəklər. Məşqçi bu matçda “Real”ın oyunçularının iştirak etməyəcəyini təsdiqləyib.
Bölmənin digər xəbərləri
