İSRAİL İRANIN NÜVƏ SİLAHINA MALİK OLMASINA YOL VERMƏYƏCƏK
Olmert Tehrann nüvə döyüş başlıqları hazırlamasına yol verməmək üçün Təl-Əvivin hərbi gücdən istifadə etməyin mümkünlüyünü nəzərdə tutub-tutmadığı barədə sualın cavabında demişdir: “İsrail İranda nüvə silahı yaradılmasını oturub gözləməyəcək. Axı, bu silahdan İsrailə qarşı istifadə edilə bilər”. İsrail lideri ümid edir ki, “iş İrana zərbə endirilməsinə gedib çıxmayacaq və Tehran diplomatik vasitələrlə dayandırılacaqdır”.
“Vaşinqton post” yazır ki, hazırda Təl-Əviv Buş hökumətinə güclü təzyiq göstərərək, Tehrana qarşı daha qətiyyətli tədbirlər görülməsini tələb edir. Qəzet yazır: “Bu yaxınlarda İsrail hökuməti mətbuata belə bir məlumat ötürmüşdür ki, ABŞ qətiyyətli addımlar atmasa, Təl-Əviv İrana qarşı hərbi əməliyyat keçirmək planı hazırlayacaqdır”. Planda bomba zərbələri endirilməsi, xüsusi təyinatlı dəstələrdən, hətta obyektlərə partlayıcılar aparmaq öyrədilmiş itlərdən istifadə edilməsi nəzərdə tutulur.
“Vaşinqton post” xatırladır ki, İsrailin bu cür əməliyyatlar aparmaq təcrübəsi var. 1981-ci ildə İsrail təyyarələri İraqın Bağdad yaxınlığındakı “Oziraq” nüvə reaktorunu partlatmışdı. Qəzetin yazdığına görə, Təl-Əviv İranın uranı saflaşdırılmaq üçün qaz sentrifuqaları quraşdırılmış Natanza nüvə kompleksinin İsraildə surətini yaratmışdır.
Bölmənin digər xəbərləri
