İSRAİL QƏZETİ ABŞ-IN İRAQA QARŞI HƏRBİ ƏMƏLİYYATLARI BARƏDƏ
ABŞ İraqa qarşı noyabr ayının sonundan gec olmayaraq hərbi əməliyyatlara başlayacaq və bu əməliyyatları bir neçə həftə ərzində başa çatdırmaq fikrindədir. İsraildə çıxan “Maariv” qəzeti bu xəbəri İsrail ərazisində Amerika hərbi sursat anbarlarını təftiş edən yüksək vəzifəli amerikalı zabitlərə istinadən vermişdir.
Onların sözlərinə görə, hərbi kampaniya təyyarələrdən güclü zərbələr endirməklə və dənizdən İraq ərazisini atəşə tutmaqla başlanacaqdır. Sonra Səddam Hüseyni devirmək məqsədi ilə yerüstü əməliyyat başlanacaqdır. Amerikalılar bunu da istisna etmirlər ki, İraq liderinin olduğu yeri dərhal dəqiq müəyyən etmək mümkün olmazsa, əməliyyatların müddətini uzatmaq lazım gələcəkdir.
İTAR-TASS xəbər verir ki, qəzetin məlumatına görə, Vaşinqton İraqın İsrailə raket zərbələri endirməsinə yol verməmək üçün əlindən gələni edəcəyini vəd etmişdir. İsraillilərə belə bir zəmanət də verilmişdir ki, antiiraq kampaniyasının başlanması vaxtı onlara əvvəlcədən xəbər veriləcəkdir.
Bölmənin digər xəbərləri
