İSRAİLLİLƏRİN ƏKSƏRİYYƏTİ DÖVLƏTƏ İNANMIR

06.11.2006 [21:20]
Çap et
A⁺ A^-

AZƏRTAC xəbər verir ki, İsrailin “Maariv İnternational” qəzetinin yazdığına görə, israillilərin əksəriyyəti dövlətin onların qayğısına qalacağına daha ümid bəsləmir və uşaqlarının gələcəyinə bədbinliklə baxır. Bunu “Cəmiyyətin yaşamağa qabillik indeksi” sorğusunun nəticələri göstərmişdir.

İsraillilərin 69 faizi hesab edir ki, dövlət vətəndaşlarına normal mənzil şəraiti yaratmağa imkan vermir.

İsrail ordusuna əhalinin 75 faizi etimad göstərir. Müqayisə üçün deyək ki, Həmkarlar İttifaqı Federasiyasına (“Gistadrut”) israillilərin 11 faizi, səs verdikləri partiyaya 13 faizi, polisə və yerli hakimiyyət orqanlarına isə 16 faizi inanır.

İsraillilərə daha çox korrupsiya (80 faiz), zorakılıq (74 faiz), yoxsulluq və fələstinlilərlə müharibə (73 faiz), hökumətin iqtisadi siyasəti (52 faiz) mane olur. Rəyi soruşulanların 52 faizi gələcək üçün pul yığmağa imkanı olmamasından, 49 faizi isə övladlarına yardım göstərə bilməməsindən narahatdır, 47 faizi pensiyaya çıxmaqdan qorxur.

İSRAİLLİLƏRİN ƏKSƏRİYYƏTİ DÖVLƏTƏ İNANMIR

MÜƏLLİFLƏ ƏLAQƏ

Bölmənin digər xəbərləri