İstanbulda VI beynəlxalq yoqa xoreoqrafiyası turniri keçirilib
İstanbul, 4 mart, AZƏRTAC
İstanbulda VI beynəlxalq yoqa xoreoqrafiyası turniri keçirilib. Turnir Beynəlxalq Yoqa Federasiyası tərəfindən təşkil olunub.
AZƏRTAC xəbər verir ki, yarışda dünyanın bir sıra ölkələrindən, o cümlədən Azərbaycandan olan idmançılar da iştirak ediblər.
İştirakçılar “asana” adlandırılan yoqa növü üzrə musiqi nömrələrinin müşayiəti ilə bir-birindən iddialı və maraqlı çıxışları yerinə yetiriblər.
Federasiyanın rəhbəri Akif Manaf turnirlə bağlı müsahibəsində deyib: “Uzun illər davam edən işlərimizin nəticəsi olaraq yoqanın idman növü olduğunu sübut etdik. Yoqa insanın mənəvi və fiziki vəziyyətinin mədəniyyətlə ahəngidir. Bu da yoqanı digər idman növlərindən fərqləndirən ən böyük xüsusiyyətdir. Digər xüsusiyyət isə hər kəsin yoqa ilə məşğul olmaq imkanıdır. Bu, yalnız yoqa idmanında mümkündür”.
Turnirin qalibi Türkiyə idmançıları olublar.
Günel Məlikova
AZƏRTAC-ın xüsusi müxbiri
İstanbul
Bölmənin digər xəbərləri
