İTALİYADA MAFİYANIN BAŞÇISI DENAROYA YAXIN OLAN “KOZA NOSTRA”NIN 19 ÜZVÜ HƏBS EDİLMİŞDİR
Bakı, 15 mart (AZƏRTAC). Martın 15-də polisin həyata keçirdiyi “Qolem-2” əməliyyatı nəticəsində Siciliyanın Palermo şəhəri yaxınlığındakı Trapani şəhərində “Koza nostra” mafioz qruplaşmasının 19 üzvü həbs edilmişdir. Bu, Siciliya mafiyasının başçısı Matteo Messina Denaronun ələ keçirilməsi məqsədilə ötən ilin iyun ayından başlanmış istintaq tədbirlərinin davamıdır.
İtaliya polisi bildirmişdir ki, həbs olunmuş 19 nəfərin sırasında Denaronun qardaşı Salvator da daxil olmaqla onun ən yaxın adamları vardır. İtaliyanın daxili işlər naziri Roberto Maroni Siciliya hüquq-mühafizə əməkdaşlarının işini yüksək qiymətləndirmişdir.
Bölmənin digər xəbərləri
