İTALİYADA “ÖLÜM İLAHƏSİ”NİN HEYKƏLCİYİNİ TAPMIŞLAR
Heykəlcik ovalsifətli, qıyıqgözlü, uzunsaçlı və yekəburun qadın formasındadır. Onun qolları düzbucaq şəklində bükülmüş və böyürlərinə dirənmişdir. Bu cür qadın təsvirləri tanınmış “neolit madonnları”ndan, hipotetik məhsuldarlıq ilahələrindən nəzərəçarpacaq dərəcədə fərqlənir. Alimlərin fikrincə, “yekəburun” heykəlciklər ölüm və yenidən “həyataqaytarma” ilahələrinin rəmzi ola bilərdi.
Heykəlcik cavan olmayan qadının dəfn edildiyi məzarda tapılmışdır. Məzar eramızdan əvvəl beşinci minilliyə aid olan və Parma yaxınlığındakı Vikofertile qəsəbəsində yerləşən böyük dəfn kompleksinə daxildir.
Vikofertiledə tapılmış fiqurun Yunanıstanda və Cənubi Avropanın bir sıra digər rayonlarında oxşarları var. Ölüm ilahələrinin daha erkən variantlarını alimlər Türkiyənin şərqində, Kiklad adalarında və Kritdə, Maltada, Sardiniyada aşkar etmişlər.
Bölmənin digər xəbərləri
