İYUN AYINDA 2.401,481 KVADRATMETR ƏRAZİ MİNALARDAN VƏ PARTLAMAMIŞ HƏRBİ SURSATDAN TƏMİZLƏNMİŞDİR
Azərbaycan Respublikası Ərazilərinin Minadan Təmizlənməsi üzrə Milli Agentliyin mətbuat xidmətindən AZƏRTAC-a bildirmişdər ki, iyun ayında 2.401,481 kvadratmetr ərazi yoxlanılmış, mina və partlamamış hərbi sursatdan (PHS) təmizlənmişdir. Bunun 229,400 kvadratmetri mexaniki üsulla həyata keçirilmişdir. Həmin müddətdə 4775 PHS və mina aşkar edilərək zərərsizləşdirilmişdir.
Əməliyyatlara 156 istehkamçı, 25 minaaxtaran it, 47 PHS operatoru, 8 paramedik və 100 nəfərə yaxın yardımçı işçi və dörd mexaniki minatəmizləmə maşını cəlb edilmişdir.
İndiyədək cəmi 29.700,729 kvadratmetr ərazi minalardan və PHS-dən təmizlənmiş, 22.681 mina və PHS tapılıb zərərsizləşdirilmişdir.
