İQTİSADİYYAT
İZİA: Sənaye zonalarında 60 faizdən çox avtomobil satılıb
Bakı, 5 noyabr, AZƏRTAC
2018-ci ildən 2024-cü ilin 9 ayı daxil olmaqla ölkənin İqtisadi Zonaların İnkişafı Agentliyinin (İZİA) idarəçiliyində olan sənaye zonalarında 360 milyon manatlıq avtomobil satışı həyata keçirilib.
İZİA-dan AZƏRTAC-a bildirilib ki, həmçinin cari ilin yanvar-sentyabr aylarında Hacıqabul Sənaye Parkında 53,86 milyon manatlıq 1901 ədəd avtomobil, Neftçala Sənaye Məhəlləsində isə 25,9 milyon manatlıq 1072 ədəd avtomobil satışı həyata keçirilib.
Avtomobil satışı ötən ilin müvafiq dövrü ilə müqayisədə təqribən 60 faiz artıb.
Sənaye zonalarında sözügedən dövrdə “Chevrolet”, “Isuzu”, “VGV”, “UAZ”, “Lada”, “Khazar” və s. markalı avtomobillər istehsal edilib.
Bölmənin digər xəbərləri
