İzmirdə İŞİD-lə əlaqəsi olmaqda şübhəli bilinən 16 nəfər saxlanılıb
İstanbul, 30 dekabr, Günel Karatepe, AZƏRTAC
Türkiyənin İzmir şəhərində İŞİD üzvlərinin saxlanılması istiqamətində keçirilən növbəti əməliyyat nəticəsində terror təşkilatı ilə əlaqəsi olmaqda şübhəli bilinən 16 nəfər saxlanılıb.
AZƏRTAC xəbər verir ki, İzmir Respublika Baş Prokurorluğunun terror cinayətlərinin araşdırılması bürosu tərəfindən aparılan tədqiqat nəticəsində şəhərdə keçmişdə İŞİD tərəfindən Suriya ərazisində fəaliyyət göstərmiş 15 suriyalı və terror təşkilatının təbliğatını aparan iki nəfərin olduğu müəyyən edilib.
Keçirilən əməliyyat nəticəsində bu şəxslərdən 16-sı ələ keçirilib, digər bir nəfərin saxlanılması istiqamətində araşdırma davam edir.
Bölmənin digər xəbərləri
