Kaliforniya sahillərində yanan gəminin sərnişinlərindən dördünün cəsədi tapılıb
Bakı, 3 sentyabr, AZƏRTAC
Kaliforniya sahillərində yanan gəminin sərnişinlərindən 4-nün cəsədi tapılıb.
AZƏRTAC “Associated Press” agentliyinə istinadla xəbər verir ki, bu barədə sahil mühafizəçisi bildirib.
Onun sözlərinə görə, digər sərnişinlərin axtarışı davam etdirilir. Hazırda dalğıclar hadisə yerində axtarış aparırlar. Yanğının səbəbi isə hələ ki, məlum deyil.
Qeyd edək ki, CNN telekanalının sahil mühafizəsinin nümayəndəsinə istinadla yaydığı xəbərə görə, yanan gəmidə 39 nəfərin olduğu ehtimal edilir. Onların beşi ekipaj üzvü, qalanları isə sərnişinlərdir.
Bir qədər əvvəl KTLA telekanalı Ventura dairəsinin yanğın idarəsinə istinadla hadisə nəticəsində 34 nəfərin həlak olduğu barədə xəbər yaymışdı.
Bölmənin digər xəbərləri
