Kamran Əliyev: Beynəlxalq Prokurorlar Assosiasiyası çərçivəsində faydalı əməkdaşlıq davam etdirilir
Bakı, 1 noyabr, AZƏRTAC
Beynəlxalq Prokurorlar Assosiasiyası (BPA) çərçivəsində faydalı əməkdaşlıq davam etdirilir. Üzv ölkələrin prokurorluq orqanları korrupsiyaya qarşı mübarizə sahəsində bu əməkdaşlıqdan faydalanır.
AZƏRTAC xəbər verir ki, bunu noyabrın 1-də Bakıda Türkdilli Dövlətlərin Əməkdaşlıq Şurasına üzv Dövlətlərin Baş Prokurorları Şurasının ilk iclasından sonra keçirilən mətbuat konfransında Azərbaycan Respublikasının baş prokuroru, BPA-nın vitse-prezidenti Kamran Əliyev deyib.
Baş prokuror bildirib ki, BPA-nın nəzdində korrupsiyaya və çirkli pulların yuyulmasına qarşı mübarizənin aparılmasına dair şəbəkə var. Gələcəkdə bu şəbəkənin fəaliyyətinin genişləndirilməsi planlaşdırılır. Korrupsiyaya qarşı mübarizəyə dair indiyədək Beynəlxalq Prokurorlar Assosiasiyası tərəfindən bir sıra treninqlər keçirilib.
Bölmənin digər xəbərləri
