KANADA VƏ AZƏRBAYCAN UNİVERSİTETLƏRİ ARASINDA ƏLAQƏLƏRİN MÖHKƏMLƏNMƏSİNƏ XİDMƏT EDƏN PROQRAM TƏQDİM OLUNMUŞDUR
Azərbaycan Texniki Universitetinin dosenti, İPAM-ın rəhbəri Yaşar Hacıyev bildirmişdir ki, görüşün keçirilməsindən əsas məqsəd Kanada və Azərbaycan universitetləri arasında əlaqələri möhkəmləndirmək, yeni müştərək proqramların icrasına nail olmaqdır. O vurğulamışdır ki, müxtəlif peşə sahiblərinin, o cümlədən alimlərin, müəssisə və təşkilat nümayəndələrinin iştirak edəcəkləri proqram çərçivəsində ilk növbədə təcrübə mübadiləsi aparmaq nəzərdə tutulmuşdur.
Tədbirdə çıxış edən Kanada Universitetləri və Kollecləri Assosiasiyasının texniki əməkdaşlıq bölməsinin meneceri və GNƏP-in direktoru Qeyl Bouket bir çox ölkələrdə həyata keçirilən bu proqramdan, ölkəsinə səfər edəcək qonaqların Kanada ilə yaxından tanış olacaqlarından danışmış, proqramın icrasına 10 min ABŞ dolları vəsait ayrıldığını bildirmişdir. Q.Bouket Kanadaya səfər etmək istəyən hər bir Azərbaycan vətəndaşının burada özünə dost tapmasının vacibliyini vurğulamışdır.
Sonda qonaq jurnalistlərin suallarına cavab vermişdir.
Bölmənin digər xəbərləri
