KANADADA 44 YAŞLI QADIN 18-Cİ UŞAĞINI DÜNYAYA GƏTİRMİŞDİR
AZƏRTAC-ın xüsusi müxbiri Assoşieyted Press agentliyinə istinadla xəbər verir ki, Kanadada rumın mənşəli 44 yaşlı Livia Lons 18-ci uşağını dünyaya gətirmişdir. Yeni doğulmuş körpə qız uşağıdır. Onun çəkisi 3,5 kiloqramdır.
Sevincini gizlədə bilməyən ata Aleksandru uşaqlarının Allah vergisi olduğunu bəyan etmişdir.
1990-cı ildə Rumınyadan köçərək Kanadada məskunlaşmış Lonslar ailəsinin 10 qızı, 8 oğlu vardır. Jurnalistlərin yenə uşaq istəyib-istəməmələri sualına ata qız və oğlanların sayının bərabər olması üçün daha iki oğlan da arzu etdiyini gizlətməmişdir. Aleksandru Lonsa Almaniya, Rumınya, İngiltərə və yerli mətbuatdan ailənin tarixçəsi barədə öyrənmək istəyənlərdən saysız-hesabsız telefon zəngləri gəlir.
Bölmənin digər xəbərləri
