KANALİZASİYA XİDMƏTLƏRİ BAHALAŞIR
Noyabrın 1-dən kanalizasiya xidmətlərinə tariflərin artırılması Bakı şəhərində ödənişlərin yığılmasına o qədər də təsir etmir. Əhali kanalizasiya xidmətlərinin haqqını sabit şəkildə ödəyir.
Xatırladaq ki, noyabrın 1-dək Bakıda suyun 1 kubmetri, əlavə dəyər vergisi /ƏDV/nəzərə alınmadan, 40 manat idisə, indi bu tarif 50 manata çatmışdır. Beləliklə, ayda adambaşına12 kubmetr içməli su işlənilməsi hesabı ilə paytaxtın hər bir sakini əvvəlki 570 manat əvəzinə 710 manat ödəyəcəkdir.
Bakıda büdcə təşkilatları üçün kanalizasiya xidmətlərinin haqqı 250 manatdan 300 manata \ƏDV nəzərə alınmadan/, istehsal müəssisələri üçün isə 750 manatdan 800 manata qaldırılmışdır.
Yeni qiymətlərə müvafiq olaraq, Sumqayıtda bu tarif Bakıdakı xidmətlərin dəyərinin 75 faizini, ölkənin digər şəhər və rayonlarında isə 50 faizini təşkil edir.
Bölmənin digər xəbərləri
