Kənd təsərrüfatı sahəsində təqdim olunan elektron xidmətlərdən istifadə edənlərin sayında artım qeydə alınıb
Bakı, 7 iyun, AZƏRTAC
Kənd Təsərrüfatı Nazirliyinin göstərdiyi elektron xidmətlərdən istifadə edənlərin sayında artım müşahidə olunur.
Nazirlikdən AZƏRTAC-a bildirilib ki, may ayinda 323 müraciət qeydə alınıb. Hər bir müraciətə nazirliyin müvafiq strukturları tərəfindən baxılıb, qaldırılan məsələlər öz müsbət həllini tapıb.
Qeyd olunub ki, əhali arasında e-xidmətlərlə bağlı aparılan maarifçilik tədbirləri, “e-kənd təsərrüfatı” istiqamətində görülən işlər, xidmətlərin elektronlaşdırılması ilə bağlı atılan addımlar öz faydasını verib. Bununla belə, ölkədə internet infrastrukturunun genişləndirilməsi, internetin regionlarda və eləcə də kənd yerlərində tətbiqi beynəlxalq şəbəkə istifadəçilərinin sayını artırıb. Bu da, öz növbəsində, kənd təsərrüfatı sahəsində təqdim olunan elektron xidmətlərdən maraqlananların kəmiyyətinin tez bir zamanda artmasına səbəb olub.
Bölmənin digər xəbərləri
