KƏND TƏSƏRRÜFATI TEXNİKASININ SATIN ALINMASI ÜZRƏ AÇIQ TENDER KEÇİRİLMİŞDİR
Üç lot üzrə keçirilən tenderdə Azərbaycan, Rusiya və Türkiyədən olan 10-a yaxın iddiaçı taxılyığan kombayn, təkərli traktor, traktor qoşquları və sair təklif etmişdir.
Komissiya üzvləri Rostselmaş, Üzel Makina Sanayi, Seqment Corporation, Vento Tradinq Limited, Önallar Tarım və başqa şirkətlərin, Tatarıstan Ticarət Evinin təklifləri ilə tanış olmuşlar.
İddiaçıların sayı üçdən az olduğu üçün ikinci lot keçirilməmişdir.
Təkliflərin qiymətləndirilməsində aşağı qiymətə, yüksək keyfiyyətə, saziş şərtlərinin vaxtında yerinə yetirilməsinə, müvafiq işlərdə, o cümlədən kənd təsərrüfatı texnikasına xidmət işində təcrübəyə, iddiaçının potensial maliyyə imkanlarına üstünlük veriləcəkdir.
Tenderin qalibləri yaxın günlərdə - təkliflərin müzakirəsindən sonra elan olunacaqdır.
Yaponiyanın ölkəmizdəki səfirliyinin nümayəndəsi tender prosesini müşahidə etmişdir.
Bölmənin digər xəbərləri
