KƏND TƏSƏRRÜFATINA DÖVLƏT DƏSTƏYİ
Kənd Təsərrüfati Nazirliyinin şöbə müdiri İslam İbrahimov AZƏRTAC-a bildirmişdir ki, “Kənd təsərrüfatı məhsulları istehsalçılarına dövlət dəstəyi haqqında” Azərbaycan Respublikasının Prezidenti İlham Əliyevin 23 yanvar 2007-ci il tarixli sərəncamına uyğun olaraq, cari ildə dövlət büdcəsindən vəsaitin ayrılması kəndli sahibkarlar tərəfindən böyük ruh yüsəkliyi ilə qarşılanmışdır.
Büdcədən 371 min 370 hüquqi və fuziki şəxs üçün ayrılan 80 milyon manatın 59 milyon manatı kənd təsərrüfatı texnikası, yanacaq, sürtkü yağları, 24 milyon manatı mineral gübrələrin alınması üçün nəzərdə tutulmuşdur.
Becərilən torpağın hər hektarına 40 manat alan fermerlər dövlətin bu dəstəyini yüksək qiiymətləndirirlər. Kəndlərdən alınan məktublar, məlumatlar, informasiyalar bunu bir daha göstərir. Bu yardımın təkcə iqtisadi deyil, həm də sosial mahiyyəti vardır. Əhalinin işlə təmin olunması yerlərdə əkinlərin becərilməsində böyük həvəs, böyük stimul yaradır. Büdcədən ayrılan yardımı bəzi fermerlər üzürlü səbəbdən ala bilmədiyinə görə vəsaitin 9 milyon manatına qənaət edilmişdir. Bu da toxumun alınmasına sərf oluna bilər. Fermerlər yardımı bankomatlardan plastik kartlar vasitəsilə alırlar. Növbəti ildə də fermerlərə davamlı olaraq yardım ayrılalacaqdır.
Bölmənin digər xəbərləri
